ಮಾನವನ ಜೀರ್ಣಾಂಗ ವ್ಯೂಹದ ಅಂಗಗಳು ಮತ್ತು ಕಾರ್ಯಗಳು | Human Digestive System in Kannada
ಹೌದು ಮಾನವನ ಜೀರ್ಣಾಂಗ ವ್ಯೂಹ ಮತ್ತು ಜೀರ್ಣಕ್ರಿಯೆ (Human Digestive System in Kannada)ನಾವು ಆರೋಗ್ಯವಾಗಿರಲು ಮತ್ತು ದೈನಂದಿನ ಕೆಲಸಗಳನ್ನು ಮಾಡಲು ಶಕ್ತಿ ಅತ್ಯಗತ್ಯ. ನಾವು ಸೇವಿಸುವ ಆಹಾರದಿಂದ ಈ ಶಕ್ತಿ ಸಿಗುತ್ತದೆ. ಆದರೆ, ಆಹಾರವು ನೇರವಾಗಿ ದೇಹಕ್ಕೆ ಶಕ್ತಿಯಾಗಿ ಕನ್ವರ್ಟ್ ಆಗುವುದಿಲ್ಲ. ನಾವು ತಿಂದ ಆಹಾರವನ್ನು ಸಣ್ಣ ಸಣ್ಣ ಕಣಗಳಾಗಿ ಒಡೆದು, ಅದರಲ್ಲಿರುವ ಪೌಷ್ಟಿಕಾಂಶಗಳನ್ನು ದೇಹವು ಹೀರಿಕೊಳ್ಳುವಂತೆ ಮಾಡುವ ಪ್ರಮುಖ ಪ್ರಕ್ರಿಯೆಯೇ ಜೀರ್ಣಕ್ರಿಯೆ (Digestion). ಈ ಕೆಲಸವನ್ನು ಮಾಡುವ ಅಂಗಗಳ ಗುಂಪನ್ನು 'ಮಾನವನ ಜೀರ್ಣಾಂಗ ವ್ಯೂಹ' ಎಂದು ಕರೆಯಲಾಗುತ್ತದೆ.ನಮ್ಮ ದೇಹದಲ್ಲಿ ಆಹಾರವು ಬಾಯಿಯಿಂದ ಆರಂಭವಾಗಿ ಗುದದ್ವಾರದವರೆಗೆ ಸುಮಾರು 9 ಮೀಟರ್ ಉದ್ದದ ಜೀರ್ಣನಾಳದಲ್ಲಿ (Alimentary Canal) ಸಾಗುತ್ತದೆ. ಈ ಜೀರ್ಣಕ್ರಿಯೆಯಲ್ಲಿ ಭಾಗವಹಿಸುವ ಪ್ರಮುಖ ಅಂಗಗಳು ಮತ್ತು ಅವುಗಳ ಕಾರ್ಯಗಳು ಇಲ್ಲಿವೆ 1. ಬಾಯಿ (Mouth):ಜೀರ್ಣಕ್ರಿಯೆಯು ನಾವು ಆಹಾರವನ್ನು ಬಾಯಿಗೆ ಹಾಕಿದ ತಕ್ಷಣವೇ ಆರಂಭವಾಗುತ್ತದೆ. ಹಲ್ಲುಗಳು ಆಹಾರವನ್ನು ಅಗಿದು ಸಣ್ಣದಾಗಿಸುತ್ತವೆ. ಈ ಸಮಯದಲ್ಲಿ ಬಾಯಿಯಲ್ಲಿ ಉತ್ಪತ್ತಿಯಾಗುವ ಜೊಲ್ಲು ರಸವು (Saliva) ಆಹಾರವನ್ನು ಮೆದುಗೊಳಿಸುತ್ತದೆ. ಜೊಲ್ಲು ರಸದಲ್ಲಿರುವ 'ಅಮೈಲೇಸ್' ಎಂಬ ಕಿಣ್ವವು ಆಹಾರದಲ್ಲಿನ ಕಾರ್ಬೋಹೈಡ್ರೇಟ್ ಅನ್ನು ಜೀರ್ಣ ಮಾಡಲು ಶುರು ಮಾಡುತ್ತದೆ. 2. ಅನ್ನನಾಳ (Esophagu...