ರಾಕಿಂಗ್ ಸ್ಟಾರ್ ಯಶ್ 'ಟಾಕ್ಸಿಕ್' ಸಿನಿಮಾ ಎಫೆಕ್ಟ್: ಸ್ಯಾಂಡಲ್ವುಡ್ನಲ್ಲಿ ನಾಲ್ಕು ವಾರ ಯಾವುದೇ ಹೊಸ ಸಿನಿಮಾ ರಿಲೀಸ್ ಇಲ್ಲ!
ಹೌದು ಬಾಕ್ಸ್ ಆಫೀಸ್ ಸುಲ್ತಾನ್ ರಾಕಿಂಗ್ ಸ್ಟಾರ್ ಯಶ್ ನಟನೆಯ, ಬಹುನಿರೀಕ್ಷಿತ ಪ್ಯಾನ್-ಇಂಡಿಯಾ ಸಿನಿಮಾ 'ಟಾಕ್ಸಿಕ್' (Toxic: A Fairytale for Grown-Ups) ಬಿಡುಗಡೆಗೆ ದಿನಗಣನೆ ಆರಂಭವಾಗಿದೆ. ಈ ಚಿತ್ರವು ಆಗಸ್ಟ್ 26 ರಂದು ವಿಶ್ವದಾದ್ಯಂತ ಅತ್ಯಂತ ಭವ್ಯವಾಗಿ ತೆರೆಕಾಣಲು ಸಜ್ಜಾಗುತ್ತಿದೆ. ಇಡೀ ಭಾರತೀಯ ಚಿತ್ರರಂಗವೇ ಕಾಯುತ್ತಿರುವ ಈ ಸಿನಿಮಾದ ಕ್ರೇಜ್ ನೋಡಿ ಸ್ಯಾಂಡಲ್ವುಡ್ನ ಇತರೆ ನಿರ್ಮಾಪಕರು ಭಾರಿ ನಿರ್ಧಾರವೊಂದನ್ನು ತಗೊಂಡಿದ್ದಾರೆ. ಯಶ್ ಸಿನಿಮಾಗೆ ದಾರಿ ಬಿಟ್ಟ ಸ್ಯಾಂಡಲ್ವುಡ್!'ಟಾಕ್ಸಿಕ್' ಸಿನಿಮಾದ ಭಾರಿ ಹವಾ ಎಷ್ಟಿದೆ ಎಂದರೆ, ಈ ಚಿತ್ರ ಬಿಡುಗಡೆಯಾಗುವ ಮುನ್ನ ಹಾಗೂ ಬಿಡುಗಡೆಯಾದ ನಂತರದ ಒಟ್ಟು ನಾಲ್ಕು ವಾರಗಳ ಕಾಲ (ಒಂದು ತಿಂಗಳು) ಕನ್ನಡ ಚಿತ್ರರಂಗದಲ್ಲಿ ಯಾವುದೇ ದೊಡ್ಡ ಬಜೆಟ್ ಅಥವಾ ಹೊಸ ಸಿನಿಮಾಗಳನ್ನು ರಿಲೀಸ್ ಮಾಡದಿರಲು ಸ್ಯಾಂಡಲ್ವುಡ್ ವಲಯ ನಿರ್ಧರಿಸಿದೆ. ಯಶ್ ಸಿನಿಮಾಗೆ ಗರಿಷ್ಠ ಸಂಖ್ಯೆಯ ಥಿಯೇಟರ್ಗಳು ಸಿಗಲಿ ಮತ್ತು ಚಿತ್ರ ಭರ್ಜರಿ ಕಲೆಕ್ಷನ್ ಮಾಡಲಿ ಎಂಬ ಕಾರಣಕ್ಕೆ ಇಡೀ ಚಿತ್ರರಂಗವೇ ಈ ರೀತಿ ದಾರಿ ಮಾಡಿಕೊಟ್ಟಿದೆ. ಗೀತು ಮೋಹನ್ದಾಸ್ ನಿರ್ದೇಶನದ ಈ ಚಿತ್ರದಲ್ಲಿ ನಯನತಾರಾ ಮತ್ತು ಕಿಯಾರಾ ಅಡ್ವಾಣಿ ಪ್ರಮುಖ ಪಾತ್ರಗಳಲ್ಲಿ ನಟಿಸುತ್ತಿದ್ದಾರೆ